డ్యాష్ బోర్డులో చూసి అంతా బాగుందనుకోవద్దు: సీఎం చంద్రబాబుతో జేపీ

ఏపీ సీఎం చంద్రబాబునాయుడుని ‘లోక్ సత్తా’ అధినేత జయప్రకాష్ నారాయణ కలిశారు. ఈ సందర్భంగా సురాజ్య ఉద్యమంలో తన అనుభవనాలను చంద్రబాబుకు ఆయన వివరించారు. విద్యా ప్రమాణాలు పెంచాలని, విద్య, వైద్య రంగాలకు ప్రభుత్వ నిధులు సద్వినియోగం కావడం లేదని, డ్యాష్ బోర్డులో చూసి అంతా బాగుందనుకోవద్దని చంద్రబాబుతో అన్నారు. కాగా, సమాజంలో మార్పు కోసం ‘లోక్ సత్తా’ ఆధ్వర్యంలో ఆయన సురాజ్య ఉద్యమం చేపట్టారు. తూర్పుగోదావరి జిల్లా రాజమహేంద్రవరంలోని స్వాతంత్ర్య సమరయోధుల పార్క్ లో సెప్టెంబర్ లో సురాజ్య ఉద్యమాన్ని ప్రారంభించారు.